Coca-Cola Yatoa Vifaa vya Michezo kwa Shule 18 za Sekondari –Ngara.

Jumla ya Shule 18 za Sekondari wilayani Ngara mkoani Kagera zimepata Vifaa vya Michezo vitakavyosaidia kuleta maendeleo ya michezo katika shule zao. 

Vifaa hivyo vilivyotolewa na Kampuni ya Vinywaji baridi ya Coca-Cola ni pamoja na Jezi seti moja kwa wavulana na wasichana, mpira wa soka na kikapu mmoja kwa kila shule. 

Mbunge wa Jimbo la Ngara Mhe.Alex Gashaza amekabidhi vifaa hivyo Jana August 2, 2018 katika ofisi za Idara ya ya Michezo na Utamaduni wilayani Ngara, hafla iliyohudhuriwa pia na Mwenyekiti wa Halmashauri ya Wilaya ya Ngara Mhe Erik Nkilamachumu na Wakuu wa Shule zote 18 za Sekondari.

Mwenyekiti wa Halmashauri ya Wilaya ya Ngara Mhe Erik Nkilamachumu pichani kushoto akikabidhi Vifaa vya Michezo kwa Wakuu wa Shule ya Sekondari Rhec na Bukiriro.

Mkuu wa Shule ya Sekondari Ntobeye akionesha Jezi baada ya Shule yake kukabidhiwa Jezi seti moja ya wavulana na wasichana pamoja na mipira miwili wa mchezo wa soka na netball.

Afisa Elimu Sekondari wilaya ya Ngara mkoani Kagera Bw. Marton katikati akikabidhi Vifaa vya Michezo kwa Wakuu wa Shule ya Kabanga na Muyenzi leo hii August 2/2018.